Epstein Files: 🔴 జెఫ్రీ ఎప్స్టీన్ ఫైల్స్ అంటే ఏమిటి ?
అమెరికాను కుదిపేస్తున్న సంచలన ఫైల్స్ వెనుక పూర్తి కథ : గత కొన్ని రోజులుగా ప్రపంచవ్యాప్తంగా వార్తల్లో నిలుస్తున్న పదం “జెఫ్రీ ఎప్స్టీన్ ఫైల్స్”. అమెరికాలోనే కాదు… అంతర్జాతీయంగా కూడా ఈ ఫైల్స్ పెద్ద చర్చకు దారి తీస్తున్నాయి. అసలు ఈ ఎప్స్టీన్ ఫైల్స్ అంటే ఏమిటి? వీటిలో ఏముంది? ఎందుకు ఇవి ఇంత సంచలనంగా మారాయి? అన్న పూర్తి వివరాలు తెలుసుకుందాం.
👤 జెఫ్రీ ఎప్స్టీన్ ఎవరు?
జెఫ్రీ ఎప్స్టీన్ ఒక అమెరికన్ ఫైనాన్షియర్, బిలియనీర్ ఇన్వెస్టర్. పైకి చూస్తే సంపన్నుడిగా, శక్తివంతుడిగా కనిపించిన అతనిపై మైనర్ బాలికలపై లైంగిక వేధింపులు వంటి తీవ్రమైన ఆరోపణలు ఉన్నాయి.
2004లో తొలిసారి అరెస్ట్ అయిన ఎప్స్టీన్, కొంతకాలానికి విడుదలయ్యాడు. ఆ తర్వాత మీటూ ఉద్యమం సమయంలో మళ్లీ అరెస్ట్ అయ్యాడు. 2019లో జైలులో అనుమానాస్పదంగా మృతి చెందాడు. అధికారులు ఆత్మహత్య అని చెప్పినా, ఇప్పటికీ అనేక సందేహాలు కొనసాగుతున్నాయి.
📁 ఎప్స్టీన్ ఫైల్స్ అంటే ఏమిటి?
ఎప్స్టీన్ ఫైల్స్ అనేవి –
జెఫ్రీ ఎప్స్టీన్పై జరిగిన దర్యాప్తుల్లో FBI, డిపార్ట్మెంట్ ఆఫ్ జస్టిస్ (DOJ) వంటి సంస్థలు సేకరించిన అత్యంత కీలక రికార్డులు.
ఈ ఫైల్స్లో:
- ఎప్స్టీన్కు సంబంధించిన కాంటాక్ట్ లిస్ట్
- అతని ప్రైవేట్ జెట్ ఫ్లైట్ లాగ్స్
- అతని ఐల్యాండ్స్కు వెళ్లిన ప్రముఖుల వివరాలు
- బాధితుల వాంగ్మూలాలు
- FBI ఇంటర్వ్యూలు
- ఫోటోలు, వీడియోలు
ఉన్నాయని దర్యాప్తు సంస్థలు గతంలోనే వెల్లడించాయి.
🏝️ ప్రైవేట్ ఐల్యాండ్స్లో ఏమి జరిగిందన్న ఆరోపణలు?
ఎప్స్టీన్కు చెందిన లిటిల్ సెయింట్ జేమ్స్, గ్రేట్ సెయింట్ జేమ్స్ అనే రెండు ప్రైవేట్ దీవుల్లో అనేక సంవత్సరాల పాటు మైనర్ బాలికలు, యువతులపై లైంగిక దాడులు జరిగాయన్నది ప్రధాన ఆరోపణ.
ఈ ఐల్యాండ్స్కు రాజకీయ నాయకులు, వ్యాపారవేత్తలు, సినీ ప్రముఖులు తరచూ వచ్చేవారని ఆరోపణలు ఉన్నాయి. వారికోసం అమ్మాయిలను ఏర్పాటు చేయడమే ఎప్స్టీన్ వ్యాపారమని విమర్శలు ఉన్నాయి.
👩 గిస్లేన్ మ్యాక్స్వెల్ పాత్ర
ఎప్స్టీన్కు అత్యంత సన్నిహితురాలైన గిస్లేన్ మ్యాక్స్వెల్ ఈ స్కాండల్లో కీలక పాత్ర పోషించింది.
బాధితులను గుర్తించడం, వారిని వలలో పడేయడం, ప్రముఖులతో పరిచయం చేయడం వంటి పనుల్లో ఆమె సహకరించిందని కోర్టు నిర్ధారించింది. ప్రస్తుతం ఆమె జైలులో శిక్ష అనుభవిస్తోంది.
🗳️ ఎప్స్టీన్ ఫైల్స్ ఎందుకు రాజకీయంగా కీలకం?
- ఎప్స్టీన్తో సన్నిహిత సంబంధాలు ఉన్నారని
- రాజకీయ నాయకులు
- మాజీ అధ్యక్షులు
- బిలియనీర్లు
- సెలబ్రిటీలు పై ఆరోపణలు ఉన్నాయి. ఈ కారణంగానే ఈ ఫైల్స్ను పూర్తిగా బహిర్గతం చేయాలని అమెరికాలో ఏళ్లుగా డిమాండ్ కొనసాగుతోంది.
📄 తాజాగా విడుదలైన ఎప్స్టీన్ ఫైల్స్లో ఏముంది?
డిపార్ట్మెంట్ ఆఫ్ జస్టిస్ ఇప్పటివరకు 3 లక్షలకు పైగా డాక్యుమెంట్లు, 3,500కు పైగా ఫైల్స్, వేలాది ఫోటోలను విడుదల చేసింది. వాటిలో ఎప్స్టీన్ పార్టీల దృశ్యాలు, అతని ఐల్యాండ్స్లో జరిగిన కార్యక్రమాలు, రాజకీయ మరియు సినీ ప్రముఖులతో ఉన్న ఫోటోలు ఉన్నాయి.
🚨 24 గంటల్లో 16 ఫైల్స్ ఎందుకు మాయమయ్యాయి?
తాజాగా విడుదలైన డాక్యుమెంట్లలోని కనీసం 16 కీలక ఫైల్స్ 24 గంటల్లోనే కనిపించకుండా పోయాయి.
ఈ ఫైల్స్లో ట్రంప్కు సంబంధించిన సమాచారం ఉందని డెమొక్రటిక్ పార్టీ ఆరోపిస్తోంది.
ఫైల్స్ ఎందుకు తొలగించబడ్డాయన్న అంశంపై ఇప్పటివరకు వైట్ హౌజ్ స్పష్టమైన సమాధానం ఇవ్వలేదు. ఈ మౌనం మరిన్ని అనుమానాలకు కారణమవుతోంది.
❓ ముందేమి జరగబోతోంది?
మాయమైన ఫైల్స్ మళ్లీ విడుదలవుతాయా? అన్ని డాక్యుమెంట్లు ప్రజల ముందుకు వస్తాయా? కొత్త విచారణలు ప్రారంభమవుతాయా? అనే ప్రశ్నలు ఇప్పుడు అమెరికా రాజకీయాల్లో హాట్ టాపిక్గా మారాయి.
JOIN FOR REGULAR UPDATES
