Smriti Mandhana : భారత మహిళా క్రికెట్ వైస్ కెప్టెన్ స్మృతి మంధాన, సంగీత కంపోజర్-ఫిల్మ్ మేకర్ పలాష్ ముచ్చల్ల వివాహం నవంబర్ 23, 2025న మహారాష్ట్రలోని సాంగ్లీలో ఘనంగా జరగాల్సి ఉండగా, ఆఖరి నిమిషంలో రెండు కుటుంబాలు కలిసి “కుటుంబంలో ఆరోగ్య సమస్యలు” అనే అధికారిక కారణం చెప్పి పెళ్లిని వాయిదా వేశాయి. అయితే ఈ ప్రకటన వెలువడిన కొద్ది గంటల్లోనే స్మృతి మంధాన తన ఇన్స్టాగ్రామ్ నుంచి ఎంగేజ్మెంట్, ప్రపోజల్ వీడియోలతో సహా పెళ్లికి సంబంధించిన అన్ని పోస్టులను తొలగించడం, పలాష్ మాత్రం అలాగే ఉంచడంతో సోషల్ మీడియాలో అనుమానాలు మొదలయ్యాయి.
సోషల్ మీడియాలో (ముఖ్యంగా రెడిట్, ఇన్స్టాగ్రామ్) వైరలవుతున్న అన్వెరిఫైడ్ కథనాల ప్రకారం పలాష్ ముచ్చల్ ఒక కొరియోగ్రాఫర్తో అక్రమ సంబంధం పెట్టుకున్నాడని, దాన్ని స్మృతి తన స్నేహితురాలు క్రికెటర్ శ్రేయాంక పాటిల్ సాయంతో రెడ్ హ్యాండెడ్గా పట్టుకుందని ఆరోపణలు వచ్చాయి. పెళ్లి రోజున ఈ విషయం బయటపడటంతో గొడవ పెద్దదైందని, స్మృతి సోదరుడు పలాష్పై దాడి చేశాడని, ఆ ఒత్తిడితో పలాష్ తండ్రికి ఛాతీ నొప్పి వచ్చి ఆసుపత్రిలో చేరారని, అందుకే అతిథులకు “స్మృతి తండ్రి ఆరోగ్యం బాగాలేద”ని చెప్పి పెళ్లి ఆపేశారని ఈ గాసిప్ పోస్టుల్లో ఉంది. ఇంకా కొన్ని పాత స్క్రీన్షాట్లలో పలాష్ ఒక అబ్బాయిని మే నెలలోనే ఫ్లర్ట్ చేసినట్లు కనిపిస్తోంది.
ప్రస్తుతం స్మృతి లేదా పలాష్ తరఫున ఎటువంటి అధికారిక స్పష్టత రాలేదు. కొన్ని నివేదికల ప్రకారం పెళ్లి కేవలం వాయిదా పడింది తప్ప రద్దు కాలేదని, స్మృతి తండ్రి ఆసుపత్రి నుంచి ఇంటికి వచ్చేశారని చెబుతున్నారు. అయినప్పటికీ సోషల్ మీడియాలో స్మృతికి మద్దతుగా వేలాది పోస్టులు వస్తూ ఈ విషయం పెద్ద మిస్టరీగా మారింది.
JOIN FOR REGULAR UPDATES
