AP SET NOTIFICATION : ఏపీ నోటిఫికేషన్ విడుదల.. దరఖాస్తులు తేదీ ఖరారు..!!

AP SET NOTIFICATION : విశాఖపట్నంలోని ఆంధ్ర విశ్వవిద్యాలయం ఆంధ్రప్రదేశ్ రాష్ట్ర అర్హత పరీక్ష (AP SET) 2025 నోటిఫికేషన్‌ను అధికారికంగా విడుదల చేసింది. ఈ పరీక్ష రాష్ట్రంలోని ప్రభుత్వ, ప్రైవేట్ డిగ్రీ కళాశాలలు మరియు విశ్వవిద్యాలయాల్లో లెక్చరర్, అసిస్టెంట్ ప్రొఫెసర్ పదవులకు అభ్యర్థుల అర్హతను నిర్ణయిస్తుంది. పరీక్ష 2026 మార్చి 28, 29 తేదీల్లో ఆన్‌లైన్ విధానంలో జరగనుంది. ఆన్‌లైన్ దరఖాస్తు ప్రక్రియ జనవరి 9, 2026 నుంచి ప్రారంభమై ఫిబ్రవరి 9, 2026 వరకు సాగుతుంది. ఆసక్తిగల అభ్యర్థులు అధికారిక వెబ్‌సైట్‌లు www.apset.net.in లేదా www.andhrauniversity.edu.in ద్వారా దరఖాస్తు చేసుకోవాలి.

AP SET 2025కు దరఖాస్తు చేయడానికి అభ్యర్థులు గుర్తింపు పొందిన విశ్వవిద్యాలయం నుండి మాస్టర్స్ డిగ్రీ పూర్తి చేసి ఉండాలి. జనరల్, EWS వర్గాలకు కనీసం 55% మార్కులు, SC, ST, BC, PwD, ట్రాన్స్‌జెండర్ వర్గాలకు 50% మార్కులు తప్పనిసరి. చివరి సంవత్సరం మాస్టర్స్ చదువుతున్న విద్యార్థులు కూడా దరఖాస్తు చేసుకోవచ్చు. పరీక్షలో రెండు పేపర్లు ఉంటాయి – పేపర్ 1 (టీచింగ్ అండ్ రీసెర్చ్ ఆప్టిట్యూడ్) అన్ని అభ్యర్థులకు తప్పనిసరి, పేపర్ 2లో 30 సబ్జెక్టుల నుంచి ఎంచుకున్న సబ్జెక్టుపై ప్రశ్నలు ఉంటాయి.

హాల్ టిక్కెట్లు మార్చి 19, 2026 నుండి అధికారిక వెబ్‌సైట్ నుండి డౌన్‌లోడ్ చేసుకోవచ్చు. దరఖాస్తు గడువు తర్వాత ఫిబ్రవరి 25 వరకు రూ.2,000 ఆలస్య రుసుముతో, మార్చి 5 వరకు రూ.5,000 అధిక ఆలస్య రుసుముతో దరఖాస్తులు సమర్పించవచ్చు. ఈ పరీక్ష ఆంధ్రప్రదేశ్ ప్రభుత్వం ఆధ్వర్యంలో ఆంధ్ర విశ్వవిద్యాలయం నిర్వహిస్తుంది. వివరాల కోసం అధికారిక నోటిఫికేషన్‌ను తప్పనిసరిగా చెక్ చేయండి.