Team India vs South Africa : టాస్ గెలిచిన టీమిండియా.. ఫస్ట్ బ్యాటింగ్ ఎవరంటే..?

Team India vs South Africa : భారత్-దక్షిణాఫ్రికా మూడో వన్డే సిరీస్ డిసైడర్‌గా మారింది. వైజాగ్‌లో జరుగుతున్న ఈ కీలక మ్యాచ్‌లో భారత్ ఎట్టకేలకు టాస్ గెలిచి ఫీల్డింగ్ ఎంచుకుంది. తేమ ఎక్కువగా ఉండటంతో దీన్ని వ్యూహాత్మక నిర్ణయంగా చెప్పొచ్చు. మొదటి వన్డేలో భారత్ గెలిచి, రెండో వన్డేలో దక్షిణాఫ్రికా ఘన విజయం సాధించడంతో సిరీస్ 1-1తో సమంగా ఉంది. ఈ మ్యాచ్ గెలిచిన జట్టే సిరీస్ సొంతం చేసుకుంటుంది. మ్యాచ్ మధ్యాహ్నం 1:30 గంటలకు ప్రారంభం కానుంది మరియు స్టార్ స్పోర్ట్స్, జియో హాట్‌స్టార్‌లో లైవ్ చూడొచ్చు.

టీమిండియా గత 20 వన్డేలుగా టాస్ ఓడుతూ వచ్చింది కానీ కేఎల్ రాహుల్ నాయకత్వంలో వైజాగ్‌లో ఆ శాపం తొలగింది. జట్టులో ఒకే ఒక మార్పు చేసిన భారత్, రాణించని వాషింగ్టన్ సుందర్ స్థానంలో తిలక్ వర్మకు అవకాశమిచ్చింది. దక్షిణాఫ్రికా రెండు మార్పులు చేసింది – బర్గర్, టోనీ డి జోర్జి స్థానాల్లో ర్యాన్ రికెల్టన్, ఒట్నీల్ బార్ట్‌మన్‌ను తీసుకుంది.

వైజాగ్ పిచ్ బ్యాటర్లకు అనుకూలంగా ఉంటుంది, భారీ స్కోర్లు సాధ్యమవుతాయి. అయితే తేమ, డ్యూ కారణంగా ఛేజింగ్ జట్లకే పూర్తి ఆధిపత్యం ఉంది – ఇక్కడ జరిగిన చివరి 5 వన్డేల్లోనూ రెండో ఇన్నింగ్స్ బ్యాటింగ్ చేసిన జట్లే గెలిచాయి. విరాట్ కోహ్లి వరుసగా రెండు సెంచరీలు (135 & 102) చేసిన నేపథ్యంలో మూడో వన్డేలోనూ హ్యాట్రిక్ సెంచరీ కోసం అభిమానులు ఎదురుచూస్తున్నారు. తన సొంత ఊరైన విశాఖలో రోహిత్ శర్మ ‘హిట్‌మ్యాన్’ అవతారం ఎత్తాలని ఫ్యాన్స్ ఆశతో ఉన్నారు.

టీమిండియా జట్టులో యశస్వి జైస్వాల్, రోహిత్ శర్మ, విరాట్ కోహ్లి, రుతురాజ్ గైక్వాడ్, తిలక్ వర్మ, కేఎల్ రాహుల్ (కెప్టెన్), రవీంద్ర జడేజా, హర్షిత్ రాణా, కుల్దీప్ యాదవ్, అర్ష్‌దీప్ సింగ్, ప్రసిద్ధ్ కృష్ణ ఉన్నారు.

సౌతాఫ్రికా జట్టులో ర్యాన్ రికెల్టన్, క్వింటన్ డికాక్, ఎయిడెన్ మర్కరమ్, టెంబా బవుమా (కెప్టెన్), మ్యాథ్యూ బ్రీట్జ్కీ, డివాల్డ్ బ్రెవిస్, మార్కో యాన్సన్, కార్బిన్ బాష్, కేశవ్ మహారాజ్, లుంగి ఎంగిడి, బార్ట్‌మన్ ఉన్నారు.